Luke 22

1Ara ifa far na imuneha, na lara na laŋan. 2Ette eitok le Fadirihien ho hetiyenak hiwaha hehum iso iyohoi jei anyar leitohoi Yesu, hati ebaŋ isieja huwo.

3Ejiŋak sitan do Juda Iskariote lobo le tomon ha arik. 4Ohu Juda ade ho leitok le Fadirihien ho leitaha illo loseŋer ofwo hiwaha ho loseŋer ufwo hiwaha jei iso leyani inyie Yesu do hosie.

5Omuno ifa isieja, hisio inyeja arobia. 6Eŋairuhu inyie, ette siaha ikoi ne leyanini inyeja do hosie te iluluŋ no huwo.

7Awoŋ ifa far no eliletteri huwo imune anyar ofu hisio ta far na laŋan. 8Eifak Yesu Peturu ho Yoane hijo, ifeiti ihumak daha na laŋan anyar leifo daha. 9Eifia isieja inyeja, hiwak iye iyohoi leituhumak daha aji?“

10Eitiraŋ inyeja isieja, “Itira, lijo itai lijiŋak do bore na gala, hitololewa le leyuhuta moti no hifioŋ iboŋ iso he itai. Ijufak inyeja ahaŋ nia lowuye inyie. 11Hati ilimak monye la haji ojo haitiyenani de iye “Tahu haji na hatamonok, nia iso ladahari naŋ daha na laŋan iko hejufutak illalaŋ?‘‘’

12Etuhutek iso inyeja itai haji netok na leituhuma de hide na lalat.“ 13Ofwo isieja, oruma saŋ daŋ iya lojo inyeja do hosie.

14Ifa leiba holoŋ nia, eŋahunyie inyeja ho hayiyenak illo honyie. 15Ette inyeja hijo dohosi,”Awahan naŋ bi no daha no laŋan iko tai olobe hitigiema. 16Hati ajo naŋ da hatai, abe iso naŋ ladaha hinyak many hotuba do lobie no Hollum.“

17Ette Yesu ŋadumu imatit, ifa leiso inyie humo, ojo inyeja, “Ifwotu inna, hido itubwan do kwanite inna hatai. 18Hati ajo naŋ da hodulei, abe iso naŋ lamata tere haŋer no yani, many acohini na Hollum.”

19Ette inyeja ŋadumu imune, ifa leiso inyie humo, eiwur inyeja imune ette hisio do hosie, hijo, “Ara innaŋ kwan neiti no lesiarahini de hattai ihuma inna ta ŋaigigilu naŋ.” 20Odumu inyeja imatit te hihumi nie da halu na daha. Ojo “Ara imatit innaŋ himori ŋejuk to hoto neiti, no lowouni te itai.

21Hati inyar liriria. Lie leitisiahak naŋ, eiwon ho naŋ do teremeja. 22Hati ohu Lenyi tihoni iya locorohini hati yei de la lolotu 23hitisiaha!“Ette isieja hitiara hifia kwaite innohosie. Hara ŋai tere hosie leihum hiram ne.

24Tere eidoŋ rigia do hosie hijo hara tere hosie lara eittok. 25Ojo inyeja do hosie, “Habwok ille halufak owon ho hillohitok do hosi. Ara isieja baŋak illo huwo.

26Hati ettenya lara iyana daŋ hatai. Hetera lia lara eittok dahatai ettera leitiŋ da hatai ojo lagalik hetera iya lelara ŋaigemani. 27Hati hara ŋai lagalik, leitole de teremeja, hara ma hati le leigiamani honyie lara lohonyie de teremeja hati awoŋ naŋ de hiji nahatai iya lobo le leigiama .

28Hati itai lala, liduloi wana ho naŋ hitigiema. 29Aiso naŋ da hatai lobo ojo Monye hanaŋ esio dahanaŋ lobie, 30Ojo anyar lidaha imata do teremeja hanaŋ do lobie, hanaŋ itole hido do hara inno gotok no woyojiin tomon ho harik inne Israile.

31Simone, Simone teyen, efia sitan hijo attu dohoi, hijo efie iye iya ŋama. 32Hati amojo naŋ te iye, hijo obe hiruk nohoi lepal da halu na hilloito nohoi hinyak, itigolo ilasira hoi.”

33Ojo Peturu do honyie, “Habu, awon naŋ. Eitik naŋ ho iye hara ma leifitari hara ma yei.” 34Etiraŋ Yesu do honyie, “Ajo naŋ do Peturu, inyak hohoro leisir naŋ hinyahita hunik hijo obe iye leyen naŋ.”

35Ette inyie hijo dohosie, “Leifak naŋ itai ade obe hobon, ho imutuk nasaŋ ho hamuha, hisiaha itai saŋ hinnak ŋ?” Ette isieja hitiraŋ obe innak.” 36Ette inyeja hijo do hosie, “Hati eina lie lowon ho hobon, isiera inyeja eyari hijo hido imutuk no hirro. Lia lobe lowon ho nyerukat isiere heitinyaŋak boŋo nohonyie hido enyaŋu nobo.

37Hati ajo naŋ da hatai, hirro innafa lafanu tofure hanaŋ iya egiorohini hotowuana, nyo ojo ifa huwo inyia inyeja loyien ifahita.’ Ottubai hirro innafa leiro tofure hanaŋ.” 38Ette isieja hijo, “Habu, towolo! owuon demio arik.” Ette inyeja hijo do hose, “Eŋairiemik”.

39De halu na daha eŋaino Yesu, iya inna toholoŋi inyie adoŋe no Olifeto, ojo heitiyanak ejufari inyeja. 40Ifa leiba isieja, ojo inyeja do hosie “Itimoje hijo ettenya itai lijiŋak da ciama.”

41Aŋaino inyeja ade tere hosie adoŋe ette rigoŋo ta fau ette mojo, 42hijo, “Monye, liwak iye todumu imatit inna tara hanaŋ hati obe lara wahan hanaŋ hati ihuma iya liwak iye.”

43Ette anjillo te ido ŋaliew do honyie, etigol inyeja. 44Wana do dihai, omojo inyeja no honya hicuŋi, ojo imai no hionye owona iya doita na hoto, no lodou afau.

45Ifa lodiote inyie tomojo no honyie, eŋayoŋ inyeja ada ho haiyiyenak hati aruma isieja lejeto ten nyie lowon isieja ho diahai no tajia, 46ette inyeja hifi isieja, “Howuon jai lijoto itai? Itite itimoje, hijo ettenya itai ijiŋak do hitigiama.”

47De hiro nohonyie, kwak ette isieja ŋeigonyu iluluŋ ho Juda, lobo hejufani tomon ho arik edihita isieja. Ottu inyie aŋati do Yesu hijo ajur inyeja, 48Hati ojo Yesu do honyie, “Judas, etinyaŋak iye Lenyi tiŋoni to jura?”

49Ifa lowolo luha daŋ leilur Yesu, heidoŋ nyo,ojo isieja ette hijo, “Habu, eŋot bahati iyohoi te ŋetteruk?“ 50Ette lobo lohosie hiŋot haigiamani le eittok le Fadirihen, oŋutu hiyok nohonyie ne iŋet. 51Ette Yesu hijo, “Ariemik ne.” Ette inyie hiraf hiyok nohonyie ette hitilibo inyeja.

52Ojo Yesu do eittok le fadirihen, ojo leitaha hulo “Efanu itai, da hanaŋ iya do lohoho, demio ho buho. 53Ifa lawon naŋ ho itai da Haji Imojit, inyia itai litir naŋ. Hati innaŋ far nahatai ojo hillohitok no rioho.”

54Eniefu inyeja, ade ette ŋayani inyeja a haji ne eittok le fadirihen. Hati ejufuta Peturu te illoma. 55Da halu naŋaituwulok hima de hiji no ruwat eitole isieja daŋ dafau. Etole Peturu do hiji hosie.

56Owuon ifaitonoŋoruwo nobo haigiamani, owolo inyeja do hitole nohonyie da faŋan no hima oriŋa oten dohonyiehite ette hijo, tihoni ille owuon ifa daŋ honyie. 57Hati errisa Peturu, ette hijo “Tihoni innaŋ abe naŋ layien inyeja. 58Da halu kai lobo hido inyeja, ette hijo ira iye daŋ lohosie, hati ojo Peturu “Tihoni, illeŋ abe naŋ.”

59Da halu no holoŋ noboite lobo hido eruk hijo, “Dede owuon tihoni ileŋ daŋ hosie ara tihoni le Galile. 60Hati ojo Peturu tihoni ileŋ abe naŋ ayen hijo iye jei” ojo layen hijo iye jei ojo kwakwak helero inyeja, ette hohoro hilok.

61Ofela habu oriŋa de Peturu ette Peturu ŋagigilu hiram na habu, ifa lojo inyie do honyie “Holobe hohoro eilok errisa iso iye naŋ hinyahita hunik.” 62Ette Peturu ettalini abali loyio no.

63Ette haririak illo Yesu hinief abak inyeja. 64Da halu ne himuk no honyiehite inno honyie eifi isieja inyeja hijo, ekilu! Inne loluŋa do honyie inne etihara Yesu omoro inyeja. 65Ero isieja hirro inne loluŋa do honyie inno etira Yesu omoro inyeja.

66Tawak da far letuhak inne huwo osuduhak anaboite, daŋ ho eitaha le Fadirihien ojo hetiyenak ette ŋaidihori inyeja ahiroŋi. 67Hijo, “Lera iye hetalahani heilimak iyohoi.” Hati ojo inyeja do hosie, “Eilimak daŋ itai, ibe iso itai 68leruhu. ojo leifi naŋ itai, obe iso itai litiraŋ.

69Hati iyane ahosiere, lenyi tihoni eitole da hana iŋiet no golon no Hollum.” 70Ojo isieja daŋ hijo, “Hati hira iye Lenyi Hollum?”ojo Yesu ette hijo to hosie itai ena eruk daŋ. Ojo isieja, “No nyo leiwak iyohoi siaha ille loyen? tenia iyohoi to kwaite etiru to hutuk nohoi.”

71